|
قصة حياة على الالفى |
|
على الالفى مواليد 20-5-1982 من مواليد بورسعيد انهيت دراستي في كلية الهندسة في بورسعيد و باشتغل مهندس فعلا بدأت الغنا في سن صغير جدا في حفلات المدرسة و استمريت شوية لحد ما دخلت الجامعة و حصلت على لقب سوبر ستار جامعة قناة السويس بعد ما فزت في مسابقة أحسن صوت 4 سنين متتالية بدأت مع مجموعة من الفرق الجديدة اللي تقدم حفلاتها في ساقية الصاوى و دار الاوبرا البداية كانت سنة 2005 مع فرقة اسمها step by step و انتقلت من فرقة لفرقة لحد ما انضميت لفرقة ايامنا الحلوة اللي تعتبر من اهم و اكبر الفرق الشابة اللي بتقدم موسيقى عربية و خلال الفترة دي قدمت اكتر من حفلة منفردا انفصلت عن ايامنا الحلوة في اكتوبر 2009 قدمت اكتر من اغنية سينجل اشهرها مش لازم و غنوة حب و احنا الكبار و غنيت اغاني فيلم أحاسيس من كلمات الشاعر الكبير جمال بخيت و ألحان الموسيقار خالد البكري مؤخرا كونت فرقة جديدة اسمها غنا رايق و بنمزج فيها الغنا الشرقي بموسيقى الجازفي اطار هادى و مختلف |
